Monday, July 6, 2015

حوار مع صديقي ابن الشرموطة


1: صاحبي انا كنت عايز اقولك على موضوع من زمان بصراحة
2: اتفضل 
1: بصراحة الناس كلها بتتكلم عن والدتك وسلوكها والمنطقة كلها بتقول كلام زفت وفيديوهاتها ومكالماتها مالية تليفونات شباب المنطقة.
2: احترم نفسك والا مش عايز اعرفك بعد كدة.
1: ياعم انا عايز اعرفك الحقيقة صدقني.
2: لا انت بتكدب وعايز تفتري وخلاص.
1: طب اسمع المكالمة دي متسجلة بصوت مامتك
2: ده صوتها فعلا... بس فيه تكنولوجيا ممكن تغير الاصوات .
1:يابني اسمع طريقة الكلام والصوت.
2: ممكن حد بيقلدها.
1: طب ده فيديو ليها اهو.
2: ممكن يكون حد مركبه فوتوشوب.
1:ياعم الفوتوشوب مش بيركب فيديوهات اساسا ودي عملية معقدة جدا والفيديوهات والمكالمات كتير.
2: ده اكيد حد بيكرهها عامل كل ده ، وماما ليها كارهين كتير بيكرهوها من غير سبب.
1:طب الناس اللي بتروح مع مامتك كل ليلة دول مين؟
2: احنا عندنا مشكلة في سباكة حمام اوضة نوم امي فالسباك بييجي يصلحها.
1: والمشكلة دي بقالها سنتين؟
2: اه عادي فيه مشاكل بتقعد بالسنين. واحد اعرفه الحمام بتاعهم فضل بايظ عشر سنين
1: طب وهي مامتك كل يوم بتروح البيت بسباك شكل؟
2: ماهو ياغبي لو كان السباك بيعرف يصلحه كانت هاتجيبه هو هو تاني يوم ليه اكيد بتجرب حد تاني يمكن يعرف.
1:طب ماسألتش نفسك مامتك بتجيب فلوس العربية اللي بتغيرها كل سنة منين؟
2: ماعرفش انا دي حاجات هي تعرفها انا معنديش معلومات يمكن ورثت من حد.
1:فاكر لما شوفت أم الواد طارق راكبة عربية مع واحد وقلت عليها شرموطة؟
2:اه ومتأكد انها شرموطة.
1:اشمعنا؟
2:كان باين جدا وبعدين بص على لبسها ومشيتها ياعم شرموطة وش وأم حسام وأم أشرف شراميط وعندي الادلة على كلامي.
1:طب وطارق وحسام واشرف شايفين كدة؟
2:معرفش بقى اكيد عارفين بس ساكتين.
1:كويس ان أمي متوفية كنت هاتقول عليها نفس الكلام.
2: ممكن أعرف انت ليه مهتم توصلي فكرة وحشة عن أمي وهاتستفيد ايه من ده
1: فاكر لما انت حكيتلي ان مامتك محتاجة فلوس مرة وقالتلك تبيع ساعتك التقليد للواد اشرف على انها أصلي عشان كانت الساعة عاجباه؟وقالتلك ان ده عشان خاطر مامتك وان الام أهم من الصحاب والمفروض تضحي عشانها؟ وانها لايمكن هاتقولك تعمل غير الصح واللي المفروض يتعمل؟
2: اه والساعة وقعت مني في البحر والبيعة باظت.
1: اهي دي الفكرة. انا مش بس بقولك عشان ماتعيشش مخدوع وتفضل راسم صورة الملاك اللي مابيغلطش لمامتك. انا عايزك تعرف بس ان مامتك بشر عادية مش ملاك. وان لو طلبت منك حاجة غلط فده عشان هي بشر والبشر بيغلط وبيحث عالغلط اوقات. وساعتها اللي حواليك هايتضروا وانا وأي حد من شلتنا ممكن يتضر.يعني غير ان مهم تعرف الحقيقة. فجهلك بالحقيقة ليه اضرار عاللي حواليك.
2: بس انا امي علمتني حاجات كتير كويسة وكانت كتير بتقولي ابقى كويس مع الناس وصحابي.الحاجات التانية دي استثناءات لظروف معينة.
1:أكيد هي بشر وأم وزي أي حد هي مش عايزاك تطلع حرامي.انما هي زي أي بشر ممكن تعمل استثناءات عشان رغبة بشرية لانها بشر مش ملاك وده اللي بحاول اوصلهولك.
2:ومشاعري مالهاش خاطر عندك؟
1: مش عارف اقولك ايه. بس يمكن انا شايف ان مشاعرك تتأثر شوية مش أسوأ من انك تعيش مخدوع طول حياتك.وتمشي حياتك في اتجاهات غلط لانك شايف ان اللي بيحركك ويأمرك ملاك.غير شكلك قدامي وقدام ناس كتير اسوأ بكتير من صدمة مؤقتة لما تعرف الحقيقة.
2: انا فعلا كنت مخدوع فيك. وكلام امي عنك طلع كله صح.ولما قالتلي أبعد عنك وماكلمكش كانت شايفة حقيقتك.وده بيأكدلي فعلا ان امي دايما صح. وأنت جاي تقولي اشك في أمي وابويا؟ ولما كلنا نشك في ابائنا وأمهاتنا شكل الحياة هايبقى ازاي؟
1:مابقولش نشك فيهم او نفترض السوء.بس مانغميش عنينا وودننا.لما نشوف دليل نفكر. هو الاشرار اللي في العالم دول مش آباء وأمهات عيالهم فاكرينهم ملايكة؟ حتى لو اكتشفنا انهم أشرار أو مجرد بشر عاديين بيغلطوا هانفضل نعاملهم كويس. بس هانسير حياتنا حسب اللي نشوفه أفضل لينا وللي حوالينا بدل ماننساق ورا أي حاجة يقولوها.
2:انت أزبل شخص عرفته فحياتي.

No comments:

Post a Comment