Wednesday, September 24, 2014

الحج


:سيكولوجية الحج
عزيزي الحاج او الطامح فيه. أو من يعيش حياته كلها لا طموح له سوى أن يحج بيت الله ثم يموت. أحبك.. أشفق عليك.. أصدقك في كل ما تقول. أصدقك عندما تقول أنك تبتغي الحج أكثر من كل كنوز الدنيا. أصدقك إذا حججت وعدت تروي مدى الراحة النفسية التي شعرت بها.وأصدقك عندما تحكي عن ألم القولون الذي اختفى عندما شربت من ماء زمزم. بل وأصدقك عندما تقول انك رأيت رسول الله رؤيا العين وانت في الحج. لماذا أصدقك؟ لأنك مُعد نفسيا لكل هذا. دعني أخبرك ان المكان رائع ونوره يأخذ القلوب وصوت الالاف يهتفون بلحن جميل "لبيك اللهم لبيك" كفيل بأن يشعرني انا شخصيا الغير مسلم بقشعريرة كالتي شعرت بها عندما كنت أسمع صوت الملايين تهتف "الشعب يريد إسقاط النظام" (طبعا ده كان على شاشة التلفزيون اصل انا من المناضلين اللي شاركوا في الثورة من ورا الكيبورد. "ثائر بلاستيك") المهم دعني أخبرك انه في وسط هذه الاجواء الحجية وبعد تأهيلك النفسي لذاتك ومن قبل كل من حكى لك عن تجربته مع الحج إذا لم تشعر براحة في هذا المكان ففي الأغلب عندك مشكلة


شعائر الحج:
كما هو معروف للجميع فمعظم شعائر الحج والعمرة هي طقوس وثنية موروثة عن الوثنيين "الكفار" منذ قبل الاسلام وعندما جاء الإسلام أقر الحج في نفس توقيته وبنفس شعائره تقريبا. والجدال في نسبة التشابه بين شعائر الحج قبل وبعد الإسلام ليست مجدية على الإطلاق ولن تضف جديد ففكرة تقديس حجرا أو جمادا وتقبيله والتبرك به والطواف حوله والتهافت على لمسه وأن هذا الحجر أو الجماد قد يزيدك أو ينقصك شئ هي فكرة وثنية بحتة بغض النظر عن حجتك التي تجعل من هذا الصنم مصدر بركة أو قوة
يرد الكثيرون على فكرة وثنية شعائر الحج بأن طقوس الحج هي تقليدا موروثا ومتبع عن ابراهيم النبي. ورغم عدم وجود أي سند قوي لهذه الحجة ولكن دعني أسألك: لماذا لم يمارس اليهود والنصارى الحج تمثلا بابراهيم أو يكرموا كعبته بينما الكفار ضحوا بالغالي و الثمين من أجلها؟ لماذا ترك الكفار كل ما خلفه الانبياء عامة و ابراهيم خاصة من تعاليم وعبادات واهتموا فقط  بالحج؟ هل كان الكفار يؤمنون بنبوة ابراهيم؟ هل كانوا يؤمنون بالجنة ليقدسوا الحجر الذي وقع منها؟ إذا كان الكفار يكرهون الشيطان ويرجمونه فلماذا تنعتونهم بالكفار وتكرهوهم (وليه بتحطولهم نص كيلو شعر في حواجبهم في المسلسلات الدينية لاظهار شرورهم؟). وإذا كان اليهود والمسيحيين مؤمنون بابراهيم والجنة وكل هذا فلماذا لم يمارسوا الحج؟ مقتنع؟؟!

منطقية الحج:
أخي الحاج.. انت بتروح المسجد كل يوم تقف في حضرة الله وتكلمه شخصيا في صلاتك وتسمع صوته وانت بتقرا قرانه يعني بتبقى قاعد مع ربنا ذات نفسه. تفتكر بعد كل ده إيه الإضافة الي هاتجيلك لما تلمس او تقبل أو تلف حولين حجر؟ مهما كانت قدسيته هاتيجي ايه قدسيته جنب قدسية ربنا اللي بتقف في حضرته وتتكلم معاه وتسمعه.ولو الحجر مستمد قدسيته من الجنة فالجنة مستمدة قدسيتها من الله اللي انت بتقعد معاه وتكلمه وتسمعه كل يوم(كأن واحد كان واقف مع رئيس الجمهورية وبعدين سابه عشان يروح يسلم على ابن اخت الرئيس وبعد مامشي طلع يجري عالناس يقولهم انا انهاردة قابلت ابن اخت رئيس الجمهورية!! يابني مانت كنت مع رئيس الجمهورية شخصيا)
الحكاية دي بتفكرني بلما تسأل شخص مسيحي هو انت ليه بتبوس ايد أبونا " القس" يقولك علشان أبونا بيمسك القربان المقدس بإيده. طيب مانت بتاكل من القربان المقدس ده يا إبني رايح تبوس إيد ابونا عشان مسكه. أو واحد تاني يقولك انا بابوس ايد ابونا ومعاها الصليب عشان بيمسك صليب في ايده!! يابني طيب مانت لابس صليب.. بس بصراحة الحجة التانية بتعجبني أكتر لأنها بتديني الحق أبوس صدر أي واحدة لابسة سلسلة بصليب.
إستمرارا في الحديث عن منطقية الحج وشعائره دعني أحدثك عن رمي الجمرات. السؤال هو: هل الشيطان له جسد وجلد وأعصاب كي يشعر بألم الحصى أو يخاف منه.يلحقني أحدهم ويقول: احنا مش بنرمي الشيطان فعليا احنا بنعمل "قال يعني" بنرجم الشيطان كناية عن نبذ الشيطان كما فعل سيدنا ابراهيم عندما ترائى له الشيطان. وبغض النظر عن عدم وجود سند موثوق فيه لقصة رجم ابراهيم للشيطان تبقى الأسئلة الاتية دون اجابة –بالنسبة لي- :
أولا: هل يعقل ان تعطى كل هذه الهيبة والمغفرة و الفرضية للحج  و رمي الجمرات عشان انت بتعمل "قال يعني" ؟ يعني انت ذنوبك بتتغفر عشان روحت عملت"قال يعني" سعيت بين الصفة والمروة أو ترجع كما ولدتك أمك عشان انت عملت "قال يعني" بترجم الشيطان؟ وياترى انهي اعظم وأثوب وأكثر تكفيرا في رأيك: اطعام فقير ولا انك تعمل "قال يعني" أو تلف حوالين أو تلمس حاجة أو تشرب من حاجة؟ وقرانك وصلاتك وصومك وعمل الخير وانسانيتك وشفقتك على الناس كل ده عادي ولما روحت عملت "قال يعني" رجعت كما ولدتك أمك؟ يا مثبت العقل في الدمااااااااااااااااااااااااااااااااااااااااااااغ
ثانيا: لما ظهر الشيطان لإبراهيم هل كان ابراهيم من الجهل ليظن ان الشيطان سيخاف من الحجارة؟ أليست الإستعاذة بالله أجدى في وقت كهذا؟ إوعى تقولي ابراهيم كمان كان بيعمل "قال يعني" مش معقولة موقف زي ده بدل ماتستغفر وتستعيذ هاتقعد تعمل "قال يعني". وأوعى تقولي ان الشيطان اتخذ جسد انسان وظهر لابراهيم عشان ماتدخلنيش في مجادلة حول قدرة الشيطان على الخلق وانه خلق جسد لنفسه.
ثالثا: إذا كان الكفار تعودوا على كراهية الشيطان ورجمه فلماذا اذن هم كفارا المنطقي انهم اناس طيبون يكرهون الشر و الشيطان

ثواب الحج:
قاعدة إلهية غريبة أن يكون لفعل ما ليس في متناول او مقدرة الجميع ثوابا خاصا او مغفرة اضافية. فيصبح الغني أو من له أقرباء لديهم عقد عمل بالسعودية أو من يعرف غنيا يحج له الفرصة للحصول على راحة نفسية أو ثواب أو مغفرة ذنوب. أو إن اللي جمع عشر علب من مسحوق "برسيل" وكسب رحلة حج الفرصة في ان يعود بلا ذنوب كما ولدتهم أمهاتهم. أليست هذه صورة مطابقة لفكرة صكوك الغفران أن تحصل على ثواب أو مغفرة لأنك غنيا أو قادرا أو بتغسل بمسحوق "برسيل"

أضرار الحج:
يزعجني جدا من يموتون تحت الاقدام كل عام منهم المسن و السيدة ومن هو في ريعان شبابه. أعلم أنك تحسدهم وتتمنى أن تموت مثلهم وأنت تحج ولكن لماذا الموت؟؟؟ ولماذا بطريقة بشعة ؟؟ لماذا لا يحميهم الله وأن كان أخذ أرواحهم بناءا على دعائهم فلماذا يموتون ميتة بشعة كهذه؟
من اضرار الحج ايضا هو الخلل في منظومة المال والذي أسميه "بيزنس الحج" أن يحرم الفقير نفسه من أساسيات الحياة ليدفع المال لشركة السياحة أو لدولة السعودية لتصب الاموال في النهاية في جيب رجل الأعمال أو في خزينة سمو الأمير. وتبقى النظرة الأوسع لحركة المال هي تدفق الأموال من دول فقيرة غير قادرة على توفير العيش لمواطنيها كمصر لتذهب لدولة كالسعودية



11 comments:

  1. فيه ناس مش ب تحس براحة نفسية بعد الحج على فكرة ؛ زى ما فى ناس مش ب تحسى براحة نفسية بعد الصلاة
    بعيداً عن أى منظور دينى
    اول مرة تحب غير تانى غير تالت
    اول مرة تتجوز غير تانى غير تالت
    ف الحج بالنسبة لأغلب الناس مرة واحدة في العمر
    ف اكيد ليها لذاتها
    أما لو شفت حد حج ست سبع مرات مثلا
    اكيد مش زى اللى حج مرة واحدة
    مثلا الناس اللى عند الكعبة اللى بيحجوا كل سنة بقى الحج عندهم زى الصيام حاجة كل سنة
    و العمرة زى الصلاة
    فقدو لذتهم
    و دى طبيعة بشرية مش لأن نفسك مؤهلة و بتاع

    طب سؤال؟
    هل من أركان الحج تقبيل الحجر
    لأ
    يبقى ببساطة دى حاجة الناس بتعملها لأنها بتحبها و متجيش تقول الدين قال كده
    زى م اتفقنا ى قرآن ى أحاديث صحيحة متن و سند و لا تتعارض مع كتاب الله و العقل
    زى م حد ب يبوس قبر حد بيحبه ؛ دى مش وثنية دا حب
    و أولا و أخيرا الدين لم يأمر بذلك


    الكفار كانوا حاطين أصنام حول الكعبة الطواف و التقبيل و الركوع و السجود كان ليها مش للكعبة
    ببساطة المشركين أعتقد انهم كانوا يعرفون سيدنا إبراهيم و لكنهم كانوا يعبدون الأصنام
    عشان كده اسمهم مشركين مش ملحد ين
    أما تسميتهم بالكفار ذلك لأنهم كفروا بعقيدة سيدنا محمد صلى الله عليه وسلم


    كان العرب بيحجوا قبل الإسلام و كان لهم عادات منها ما أبقى عليها الإسلام و منها ما قضى عليها
    و مينفعش نقول ازاى ربنا خد شعائر الحج من الكفار
    بنفس المنطق هنقول ليه الملحدين بيدفنوا الميتين ؟ زى ما قابيل دفن هابيل
    ليه بقى؟
    _أقر الحج فى نفس توقيته _
    ازاى بقى ؟ هو كان فيه شهور هجرية قبل الإسلام ؟!!!!!!!! تبا بجد
    الحج ماشى بالهجرى و الهجرى مكنش موجود ايام الكفار يا دكتور

    ليه ترك الكفار كل حاجة و اهتموا بالحج ؟
    مش كانوا بيعبدوا الأصنام و احنا بنعبد ربنا
    مش كانوا ب يصلوا ف معبد و احنا بنصلى فى مسجد
    مش كانوا بيذبحوا و يعطوا القرابين و احنا بنضحى و بنت صدق

    لو لم يكن الدين موجودا لاخترعناه /كتاب الله للعقاد/ و الشعائر بعد و قبل الإسلام واحدة لأن البشر نفس البشر
    غير طبيعتهم تتغير الشعائر
    آمال بيقولو التاريخ بيعيد نفسه ليه ؟
    دوافع و أساليب القتل هى هى و الاستعمار و الخيانة هى هى من أيام أحمس لحد دلوقت



    ازاااااااااااااااى
    مين قال إن الحجر دا وقع م الجنة ؟ ○_° الحجر على حد علمى اول حجر ف الكعبة أوحجر سيدنا اإبراهيم وقف عليه و هو بيبنى الكعبة و بعدها كان فيه نزاع تقريبا ف سيدنا محمد حطه على ملاية و خلى كل قبيلة تمسك طرف منها عشان يحطوه ف مكانه
    جنة ايه اللى يقع منها حجر دا
    ؟


    اولا: الإسلام برئمن صناع الافلام ؛ مينفعش مثلا اأن أحمد مكى ف طير انت لما صور الطبيب البيطرى انه غبى تيجى تلومه أو تلومنى
    الافلام تعبر عن كاتبها و وجهة نظره لا عن الواقع و لا عن نظرة أى مسلم للكفار
    و لا تزر وازرة وزر أخرى
    ثانيا: بيحطوا للكفار شعر كتير عشان دى طبيعة رجالة السعودية اصلا /الشعر الكثيف/ و مكنتش الرجالة بتقص حواجبها أو بيحلقو دقنهم ساعتها
    زى ما بيخلوا ملابسهم غير مخيطة
    دا مش إساءة دا واقع صوره المخرج من خلال فكرته هوا و اللى يتحاسب هوا و المسلمين مش مفروض يتاخدو ب ذنبه


    المسيحيين بيتهيقلى بيحجوا كل سنة لبيت لحم أو ما شابه
    حته ف فلسطين عامة
    و اليهود معرفش عنهم حاجة برضه

    اسمع صوت ربنا ؟ غريب صراحة مع انى معرفش حد سمع صوت ربنا غير سيدنا موسى على حد علمي

    الحج لمن استطاع إليه سبيلا
    دا أولا
    ثانيا لو حد بعد الشر عزيز عليك مات ف مصر مش هتيجى تزوره كل شوية حتى و هو معاك ف قلبك و ف خيالك ف امريكا؟
    ليه الناس بتروح تدعى عند القبور لناس و تحط ورد؟ مش الدعوة بتوصل للميت أيا كان
    علما بأن مفيش حاجة ف الإسلام اسمها زيارة قبور
    إنما هى بدعة
    و تكون للعظة فقط ؛ و مينفعش تخصص يوم معين لذلك و مينفعش تقرأ قرآن هناك الخ
    فسر لى دى بقى
    أفسر لك ليه الناس بتروح تشوف مهد الإسلام و قبر النبى و الخ
    هى حاجة فى نفسية البشر عامةً ؛ عاوزة دكتور علم نفس مش انا أو انت اللى نفسرها

    يتبع .....

    ReplyDelete
    Replies
    1. هل من أركان الحج تقبيل الحجر ///كفار قريش مكانوش بيقبلوا الاصنام اللف حوالين صنم والتبرك بيه كفاية مجاتش عالبوسة .
      ببساطة المشركين أعتقد انهم كانوا يعرفون سيدنا إبراهيم و لكنهم كانوا يعبدون الأصنام
      عشان كده اسمهم مشركين مش ملحد ين
      أما تسميتهم بالكفار ذلك لأنهم كفروا بعقيدة سيدنا محمد صلى الله عليه وسلم//// كفار عشان كفروا بمحمد ؟؟ لا بجد الكفر هو عدم الايمان بالله؟؟
      طلعتي الكفار المشركين موحدين بالله يا فاجرة؟؟؟؟
      و مينفعش نقول ازاى ربنا خد شعائر الحج من الكفار
      بنفس المنطق هنقول ليه الملحدين بيدفنوا الميتين ؟ زى ما قابيل دفن هابيل ///// فعلا معنديش رد بس انتي شايفة التشبيه ده سليم ؟؟
      ازاى بقى ؟ هو كان فيه شهور هجرية قبل الإسلام ؟!!!!!!!! تبا بجد
      الحج ماشى بالهجرى و الهجرى مكنش موجود ايام الكفار يا دكتور/// التقويم الهجري بدأ من وقت الهجرة كتأريخ للسنة الشهور كانت موجودة والاشهر الحرم بعضها تغير اسمه والبعض بقى افتكري كدة ان شهر رمضان هو الذي انزل فيه القران مع انه قبل الهجرة و الاشهر الحرم كان الكفار يحترموها قبل الهجرة... بس اشكرك عالتدقيق في كلمات المقال...
      ليه ترك الكفار كل حاجة و اهتموا بالحج ؟
      مش كانوا بيعبدوا الأصنام و احنا بنعبد ربنا
      مش كانوا ب يصلوا ف معبد و احنا بنصلى فى مسجد
      مش كانوا بيذبحوا و يعطوا القرابين و احنا بنضحى و بنت صدق
      ////// خالي من المنطق اكيد اي عبادة ليها مكان للصلاة ده مش معناه انهم بينقلوا من بعض.
      لا انتي بتدعي ان الكفار كانوا بيعملوا الحج اسوة بابراهيم النبي وهما مش بيؤمنوا بيه ولا بنبوته ولا إلهه اصلا ولا باي نبي تاني اساسا اشمعنى يعني وايه التشبيه السخيف بتاع المعبد والمسجد ده وبعدين كويس انك عارفة ان الاضاحي دي فكرة موروثة من أديان وثنية سابقة يحتاج الله فيها ان لتقديم ذبيحة..
      مين قال إن الحجر دا وقع م الجنة ؟ ○_° الحجر على حد علمى اول حجر ف الكعبة أوحجر سيدنا اإبراهيم وقف عليه و هو بيبنى الكعبة و بعدها كان فيه نزاع تقريبا ف //// ده كدة اسوأ كمان بيتم تقديسه عشان مش عارف مين داس عليه. عامة بغض النظر تقديس الحجر والللف حواليه والتبرك بيه وثنية بغض النظر عن الاسباب
      حكاية الافلام دي دعابة اصلا
      سبحان الله استخدمتي حجة زيارة الحج لزيارة قبر الرسول وبعدين قلتي زيارة القبور مش في الاسلام وبعدين قلتي انه فرض لمن استطاع اليه سبيلا. وبعدين الحج اصلا كان فرض ايام الرسول نفسه يعني قبل مالرسول يموت وقبره يكون هناك.



      Delete
    2. كفار قريش مكنوش بيقبلوا الأصنام ، اللف حوالين الصنم و التبرك بيه ....

      $ هل الحجاج يلونهم حول الحجر الأسود أم الكعبة ؟

      طلعتى الكفار موحدين بالله
      $ ممكن أكون على خطأ و ممكن أكون على صواب و فى الحالتين ساسوق لك المبررات
      اذا كنت على صواب : فأنا لم أقل موحدين و لكنهم يدرون بوجود الله عز وجل و يعبدون الأصنام أيضا و الا فسر لى ؛ هل كان محمد ص يتعبد فى دار حراء لاصنام أم لله ؟ ؛ نظرية وجود الله كانت موجودة و نظرية الأصنام كانت موجودة أيضا
      اذا كنت على خطأ : ف الحج شعيرة دينية موجودة قبل الإسلام فرضها الله على أمم سابقة مثل اتباع إبراهيم الذين كانوا على الحنيفية
      * و إذ بوانا لإبراهيم مكان البيت أن لا تشرك بى شيئا و طهر بيتى للطاءفين و العارفين و الركع السجود * و إذن فى الناس بالحج ياتوك رجالا و على كل ضامر ياتين من كل فج عميق *
      اعتذر للخطأ فى كلمة الطاءفين فهذا الزفت لا يكتب همزات على نبرة :/
      فكان الناس يؤدونها ايام إبراهيم لكنهم خالفوا بعض مناسك الحج و ابتدعوا فيها و ذلك حين ظهرت الوثنية و عبادة الأصنام فى الجزيرة
      و بما أن و لا انا و لا انت معانا الزبور يبقى تسكت خالص خالص و متقلش أن الإسلام سرقها من الكفار -_- -_-

      Delete
    3. This comment has been removed by the author.

      Delete
    4. شايفة التشبيه دا سليم؟
      $ و مش هشوفه سليم ليه مش انا اللى كاتباه؟
      و ع العموم خد راحتك فى التفكير و لما تلاقى رد تعالى قوله هنا :)

      × × × اعترف بالجهل فى موضوع التقويم الهجري

      انت بتدعى أن الكفار كانوا بيعملوا الحج أسوة ب براهيم
      $ الرد فى التعليق السابق

      Delete
    5. يحتاج الله لتقديم ذبيحة
      $ شئ جميل جداً
      هل نذبح لله أم لأن الله فدى سيدنا إسماعيل أو ابن سيدنا إبراهيم عامة - عشان منخلتفش مع المسيحيين - بكبش عندما أراد الله اختبار صبر إبراهيم و ابنه و قوة ايمانهما؟
      ممكن دليل من القرآن يدل على أن الله طلب منا ذبح الأضحية له؟

      Delete
    6. تقديس الحجر و اللف حوله وثنية
      $ مثلا لو واحد انت بتحبه اوى و مات و ليه لبس أو متعلقات شخصية، مش بتفضل تبوسها و تحضنها؟
      وثنية دى؟
      و بعدين اللف حول الكعبة مش الحجر
      ثانيا مفيش ايه فى القرآن بتقول يا جدعان لازم تقبلوا الحجر عشان الحج يكمل
      ماليش دعوة ب تصرفات المسلمين دى


      حكاية الافلام دعابة
      $ مخدتش بالى و الجلالة كانت وخدانى ف الرد؛ اعتذر

      Delete
    7. الرد على آخر جزء فى تعليقك
      $ ممكن أكون لخبطت الكلام أو قلته من غير ترتيب بس مش متنازلة عن أى حرف و لا اتراجع عن أى كلمة قلتها فيه
      الحج لمن استطاع إليه سبيلا / / عندك شك ف كدا؟
      و انا كتبت الناس عاوزة تشوف مهد الإسلام و قبر النبي
      و على فكرة زيارة قبر النبي مش ركن فى الحج
      و الحج كان فرض فى أيام الرسول
      فى السنة التاسعة ه فرض، و قام الرسول ص بعمل حجة الوداع سنة 10 ه وأسس فى خطبة الوداع طريقة الحج السليمة و بعدين توفى يبقى اللى عمل حجة عملها بعد النبى

      حكمة الحج
      إظهار العبودية المتمثلة في ترك الرفاهية و التجرد من الزينة
      ابتلاء فى النفس : الهجرة لزيارة بيت الله الحرام
      أجواء لم يالفها
      أطعمة لم يالفها
      و لتعارف المسلمين و تبادل المنافع
      و للتوبة طبعا
      و دى بقا اللى يفرق الحج عن أى توبة عادية :)

      Delete
  2. هل رمى الجمرات من أساسيات الحج ؟
    الحج ليس تأشيرة تدفعها و شعائر تقوم بها لغفر ذنوبك جميعا
    الحج =توبة
    بإمارة أن الحجة تعتبر غير صحيحة لو ما رحتش صالحت فلان و علان قبل ما تسافر
    و من شروط التوبة
    الاقلاع عن الذنب
    الندم عليه
    العزم على عدم الرجوع إليه مرة أخرى
    و دى ف أى مكان مش شرط ف السعودية يعنى
    الحج لمن استطاع إليه سبيلا مش لأىمسلم :)


    معرفش موضوع الشيطان ظهر لإبراهيم ده
    بس بالمنطق
    مش فيه حاجة اسمها عفريت يلبس فلان
    دا معناه أن العفريت خلق جسد لنفسه؟ ####
    خلصت


    الشيطان اذا لم يوجد لخلقناه لنرمى عليه شماعة خطايانا
    خلصت
    الكفار خلقوه عشان يبرروا لنفسهم ؛ زى ما احنا فى رمضان و الشياطين موصدة و بشوف حاجات تيت و بنعمل فحشاء برضه


    هناك فرق ؛ انا مثلا انسان طيب و لكن مش مقتنع بالله عز وجل ؛ دا م يمنعش انى بكره القتل و الزنا و الكذب الخ



    الحج = توبة
    و التوبة بتتعمل فى اى مكان
    بس الناس بتتبرك بثوابه المكان و الزمان و الشعائر
    يعنى انا لو تبت و انا ف مكانى هذا زى اللى عمل حجة مقبولة و الله أعلم



    الحج زى ما قلت مش تأشيرة
    الحج توبة ف ايام و مكان مفترج بس
    و لازم بعد العودة من الحج عدم الرجوع للذنوب ابدا ؛ و لو كانت هناك ذنوب جارية زى
    سرقت فلوس # ترجع الفلوس
    زنيت مع واحدة # تتجوزها
    عملت عاهة لواحد # تعمله عملية و تديله تعويض الخ
    قتلت واحد # تدفع الدية لأهله و تصرف عليهم
    م ينفعش مثلا تسرق فلوس و بعدين تتوبى من غير ما ترجع الفلوس دى
    حتى لو حجيت حجتك باظت يا باشا

    يتبع......

    ReplyDelete
  3. أساسا المسن لابد أن يحج عنه أحد
    و هو اللى غلطان
    محدش قال إن اللى عنده بواسطة يأكل شطة و بعدين يقول ليه يا رب


    تانى هنقول الحج لمن استطاع إليه سبيلا
    لازم معاك فائض مالى # مش تجوع عيالك و تسافر
    لازم يكون هناك من يسد مكانك # مش تسيب بنتك و مراتك لوحدهم و تسافر
    لازم الصحة
    لازم الشغل مش محتاجك الفترة دى
    لازم لازم لازم
    غير كده حد يحج عنك أو توب و انت ف مكانك ياخى
    و صلى ركعتين ف الجامع مثلا ب خشوع


    مش معنى أن واحد متخلف بيعمل حاجة متخلفة عشان فاكر انه ه يرضى ربنا يبقى الغلط على ربنا الغلط على البنى ادم الحمااااااااار


    أخيرا التأشيرة اللى ب تشتريها من مصر السعودية بتديها ببلاش اصلا
    المفروض يبيعوها هنا بالف جنيه بس الشركات النصابة بيبيعوها ب 20 أو 33 الف جنيه
    العيب على الشركات المصرية م الآخر


    انا بقرا و اى كومنت بكتبه ف ورقة و بعد م يخلص المقال بكتب كل كومنتاتى هنا
    ف برجاء وضع الكومنتات جنبا إلى جنب مع مقالتك عشان يستقيم المعنى

    ..........

    ReplyDelete
  4. احاسيس الحج سببها الله او احساس نفسي طبيعي ؟
    الاحاسيس ما بتتوصفش وكونك تنفي اي سبب الهي روحاني ده ما بيعني عدم وجوده
    انت حكمت على الحج بإنحياز ضده
    ليه ما مارسوه المسيحيون واليهود ؟ ربنا عاوز كدة
    ليه اتعب واحج و انا بلقى ربي في صلاتي ؟
    ربنا عاوز كدة
    الحج مش ابن اخت الصلاة .. الصلاة عبادة والحج عبادة تانية .. وربنا عاوز كدة
    الحج بكل شعائره فرضها الله ونفعلها ابتغاءا لمرضاته حتى وان لم افهمها .. عدم العلم التام بالشيء لاينفي الانتفاع به
    والحج حاجة و الصدقة حاجة والاتنين بيرضوا الله فبعملهم حبا فيه
    لما تشوف واحد عنده موهبة وتقول له انا مؤمن بيك يعني ذلك انك ح تدعمه بالرغم انه دعمه فكرة غير منطقية لكن انت حاسس انه ح ينحج
    حج البيت لمن استطاع اليه سبيل ده يعني الفقير اللي ما يعمله غير ما عليه شيء والغني اللي ما يعمله آثم
    الفقير ربنا ح يعوضه عنها .. دي حاجة بينه وبين ربه مباشرة مفيش وسيط زي صك الغفران
    بالنسبة للموتة تعددت الاسباب والموت واحد بشعة ولماذا الله لم يتدخل ليحميم ؟نفس الحكمة اللي اجلها خلق البعض مشوه وآخرين مرضى و بعضنا يموت مبكرا انها مثل تخفيض سابق للذنوب .. نكرهه الآن نتمناه في يوم القيامة
    بيزنس الحج من شركات حج وتصاريح حج واموال تصب في خزينة السعوديين انا ضده وكنت اتمنى لو كانت مكة مدينة او حتى دولة محايدة

    ReplyDelete